Suugaan: Maanso la Magac Baxday Xilasho

suugaan: Maanso la Magac Baxday Xilasho

Hambalyada abwaanada

Hilinkeeda gudashada

U hibaynta dumarada

Hubsigeeda sacabada

Runtii hooyo xilashadu

Aday kugu hagaagtee

Hubdhigeeda ila qaad

 

Himilada fogaalada

Hadafkiyo caddaymaha

Hanqal taag hamuumyada

Hilawgiyo ku baridadu

Aday kugu hagaagtee

Hadhac wacan guddoonsii

 

Hammigiyo kalgacalada

Hubsigiyo kalsoonida

Halabsiga ka helashada

Hogga saxan bariidadu

Aday kugu hagaagtee

Haaneedi kulanada

 

Halacsiga ujeedada

Hanaqaadka gabanada

Hoy wacan u hoyashada

Haldhaa wacan ka xulashadu

Aday kugu hagaagtee

Hayaankeeda kaalmee

 

Hadaaqiyo kabuubyada

Halistiyo dhibaatada

Hantaaqada macaasida

U haliilka cawrada

Waa hoogga gubashada

Anna heedhe digashada

Hawo madhan u xilashada

Hammi kuma sabaayee

Hoobaanta gurashadu

Aday kugu hagaagtee

Bal u hiili hanadada

 

Hurhuruufka dawyada

Hinji waaga fulayada

Hanti dhawrka odayada

Huriwaaga gacalada

Hayb-raaca guriyadu

Waa heere cududada

Kaala haafa bawdada

Oo habsaansha qaranada

Aan hoorsho midhahee

Hawraarta gabayada

Waxay himilo tabashadu

Igu tidhi hal gocashadu

U hagoog ujeedada

Aday kugu hagaagtee

Habboonaan maxaad garan

 Cabdifataax Daahir Cige (saylici)
mudane_22@hotmail.com
              cairo

Leave a Reply

Your email address will not be published. *
You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>